طاهره واسطي
طاهره واسطي
طاهره واسطي: مشهور اداڪاره طاهره واسطي 1944ع ڌاري سرگوڌا پنجاب ۾ جنم ورتو. ابتدائي تعليم سرگوڌا ۾ حاصل ڪرڻ بعد وڌيڪ تعليم لاءِ لاهور وئي. پڙهائي دوران کيس اداڪاريءَ جو شوق ٿيو. 1968ع ۾ پاڪستان ٽيليويزن تان اداڪاريءَ جي شروعات ڪيائين. سندس پهريون ڊرامو مشهور افسانه نگار سعادت حسين منٽو جو لکيل ”جيب ڪترا“ هو. طاهره واسطي کي 1990ع واري ڏهاڪي ۾ پهرين صف جي اداڪارائن ۾ ڳڻيو ويو. پاڻ اداڪاره هئڻ سان گڏ سٺي ليکڪا پڻ هئي، سائنس فڪشن تي تمام سٺو لکيائين ٽي. وي لاءِ هن ڪيترائي ڊراما لکيا، جن ۾ ”ڪالي ماتا“ تمام گهڻو پسند ڪيو ويو. طاهره واسطيءَ ٽي. وي اداڪار ۽ انگريزي نيوز ڪاسٽر رضوان واسطيءَ سان شادي ڪئي. طاهره کي ڊراما سيريل ”افشان“ ۾ يهودي واپاري جي ڌيءَ ڊرامي آخري چٽان“ ۾ راڻي ازابيل جي ڪردار سبب گهڻي شهرت ملي. سندس ٻين ڊرامن ۾ ”غرناطه“، ”شاهين“ ۽ ”ٽيپو سلطان“ گهڻو مقبول ٿيا. طاهره واسطي 11 مارچ 2012ع تي وفات ڪئي.
لفظ طاهره واسطيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
2012.03.11 عيسوي
طاهره واسطي 1944ع ڌاري سرگوڌا پنجاب ۾ جنم ورتو. هن 11 مارچ 2012ع تي وفات ڪئي.
شخصيتون - ڀاڱي جون ٻِيون داخلائون
انيس انصاريسندر بوٽاڻي
علاوالدين
خسرو بيگ مرزا
شاهه پور اعظم
دين محمد لاشاري
رام لعل
پارو خان ڪوري
راهب فقير
شان اداڪار